Author: Admin

on
ယာဉ်မောင်းနှင်ကြသူအများစုက သူတို့ရဲ့ယာဉ်မောင်းသက်တမ်းတစ်လျှောက်မှာ ကားရဲ့ဆီတိုင်ကီမှာ ဆီဖြည့်ဖို့မေ့သွာ၍ ဖြစ်စေ၊ ခရီးလမ်းကြောင်းက မျှော်မှန်းထားတာထက် ပိုများသွား၍ဖြစ်စေ အကြောင်းအရာ အမျိုးမျိူးကြောင့် ကားဆီဂိတ်မှာ ဆီကုန်ကြောင်း အလမ်း Alarm (E)တဲ့ အခြေအနေမျိုးကို မကြာခဏဆိုသလို ကြုံတွေ့ ကြရပါတယ်.ဒီနေရာမှာ တစ်ချို့ယာဉ်မောင်းနှင်သူတွေက ကားဆီဂိတ် Fuel Gauge မှာ E သင်္ကေတလေးကို ညွှန်တံရောက်လာတဲ့အခါ ဆီတိုင်ကီမှာ ဆီမရှိတော့တဲ့အတွက် ကားကိုဆက် မောင်းသင့်တော့ဘူးလို့ ယူဆတတ်ကြပါတယ် 
ဒီအယူအဆ မှန် မမှန်ဆိုတာကို ဆက်ပြီလေ့လာကြည့်လိုက်ကြရအောင်
ဆီဂိတ်မှာပါတဲ့ သင်္ကေတလေးတွေက ဘာကိုဆိုလိုတာလဲ
                ကားတွေရဲ့ ဆီဂိတ်တွေမှာ ပုံမှန်အားဖြင့် သင်္ကေတ E, F နှင့် ဆီတိုင်ဂီပန့်  ပုံစံဆိုပြီး သင်္ကေတ 3 မျိုးပါဝင်တတ်ကြပါတယ်။ F သင်္ကေတလေးဟာ Full ကိုကိုယ်စားပြုပြီးတော့ ဆီတိုင်ကီမှာ ဆီအပြည့်ရှိတယ်ဆိုတာကိုဆိုလိုတာဖြစ်ပါတယ်ဆီတိုင်ဂီပန့်ပုံစံ သင်္ကေတလေးကတော့ E နှင့် F ရဲ့အလယ်တည့်တည့်မှာရှိပြီးတော့ ဆီတိုင်ဂီမှာ ဆီတစ်ဝက်လျော့နေပြီး ဆီဖြည့်သင့်ပြီလို့ဆိုလိုပါတယ်
                နောက်ဆုံး သင်္ကေတ E ကတော့ ယာဉ်မောင်းနှင်သူအများစု ထင်တတ်ကြသလို ဆီတိုင်ဂီမှာ ဆီမရှိတော့တာဆိုတဲ့ Empty  ရဲ့  E ကိုဆိုလိုတာမဟုတ်ဘဲ အရေးပေါ် ဆီဖြည့်ဖို့လိုအပ်နေပြီဆိုတဲ့ Emergency ရဲ့  Eကိုဆိုလိုတာပါ။
ဒါဆိုရင် ဆီဂိတ်မှာ E သင်္ကေတလေး ညွှန်တံရောက်နေပြီဆိုရင် ကားဆက်မောင်းလို့ရနိုင်သေးလား
                ဆီဂိတ်မှာ E သင်္ကေတလေး မီးနီနေပြီဆိုရင် ဆီတိုင်ဂီမှာ ဆီဟာ ပျမ်းမျှအားဖြင့် ဆီတိုင်ဂီရဲ့ ၈ပုံ ၁ပုံ သိုမဟုတ် ၁၀ပုံ ၁ပုံစီကျန်ရှိသေးတဲ့ အတွက်ကားကို ရပ်လိုက်စရာမလိုဘဲ ဆက်မောင်းလို့ရနိုင်ပါသေးတယ်ဒါပေမယ့် ဒီလိုဆက်မောင်းဖို့ရင် မိတ်ဆွေတို့ အနေနဲ့  လက်ကျန်ဆီပမာဏနဲ့  သွားလိုတဲ့ ခရီးမိုင်ကိုသေချာတွက်ချက်နိုင်ဖို့လိုအပ်ပါတယ်။ ခရီးမိုင်ပေါ်မူတည်ပြီး ဆီပမာဏတွက်ချက်မယ်ဆိုရင်တော့ မိတ်ဆွေတို့ရဲ့ ကားအမျိုးအစား၊ ကားအဟောင်းအသစ်နှင့် ဆီစားမစားအပေါ်မူတည်တွက်ချက်ခန့်မှန်းရမှာပါ။   အကောင်းဆုံးကတော့  E  သင်္ကေတလေး မီးနီနေပြီဆို google map က ဆီလက်ကျန်နဲ့ သွားလို့ရလောက်မယ့် နေနီးစပ်ရာဆိုင်ကိုအမြန်ဆုံးတာပဲ ဖြစ်ပါတယ်။
E သင်္ကေတ ရောက်နေရင်းနဲ့ ဆက်မောင်းနေမယ်ဆိုရင် ဘာတွေဖြစ်လာနိုင်မလဲ
                E သင်္ကေတ ရောက်နေရင်းနဲ့ ဆက်မောင်းနေမယ်ဆိုရင် ဆီကုန်သွားပြီး စက်ထိုးရပ်သွားရုံတင်မကဘဲ လူပြတ်တဲ့ ခရီးဝေးလမ်းတွေမှာသာ ရပ်သွားခဲ့မယ်ဆိုရင် မျှော်မှန်းထားတဲ့ အန္တရာယ်အခက်အခဲ မျိုးစုံကြုံနိုင်ပါတယ်ဒီအပြင် အင်ဂျင်လည်ပတ်ဖို့ ဆီတိုင်ဂီမှာ ဆီအလုံအလောက်မရှိတဲ့အတွက် အင်ဂျင် အပူလွန်ကဲတဲ့ ပြဿနာတွေဖြစ်လာနိုင်ပြီးတော့ ဆီတိုင်ဂီရဲ့ အောက်မှာရှိတဲ့ အနည်တွေ အင်ဂျင်အတွင်းကိုရောက်သွားနိုင်တဲ့အတွက်ကြောင့် နောက်ဆက်တွဲပြဿနာတွေမျိုးစုံကြုံလာနိုင်ပါတယ်
                E သင်္ကေတလေးကို ညွှန်တံရောက်လာတဲ့အခါ ဆီတိုင်ဂီမှာ ဆီမရှိတော့တာဆိုတဲ့ Empty  ရဲ့  E ကိုဆိုလိုတာမဟုတ်ဘဲ အရေးပေါ် ဆီဖြည့်ဖို့လိုအပ်နေပြီဆိုတဲ့ Emergency ရဲ့  E ဆိုတာကိုသိသွားပြီဆိုတော့ ဆီဂိတ် Eရောက်တိုင်းကားကိုထိုးရပ်ပြီး စိတ်ညစ်မနေတော့ဘဲ နီးစပ်ရာဆီဆိုင်မှာဆီဖြည့်ပြီး လိုရာခရီးကို အခက်အခဲမရှိသွားနိုင်ကြလိမ့်လို့မျှော်လင့်ပါတယ် ခင်ဗျ။                
                  စက်ယန္တရားနဲ့ပါတ်သက်တဲ့  ဗဟုသုတတွေနဲ့    တခြားအကြောင်းအရာမျိုးစုံတွေကို   လေ့လာဖတ်ရှဖို့အတွက် အောက်ပါလင့်ကိုနှိပ်ပြီး  ဝင်ရောက်နိုင်ပါတယ်
စက်ယန္တရား‌နဲ့ပါတ်သက်တဲ့ ဘာပဲလိုလို တစ်နေရာထဲနဲ့  ပြီးပြည့်စုံဖို့ 
BUDOZAR Online Machinery & Spare Parts Marketplace နဲ့ ဆက်သွယ်လိုက်ပါ
+95(9)962836927  
Categories: Blogs
137

on
Starter Motor ဆိုတာ လျှပ်စစ်မော်တာတစ်လုံးဖြစ်ပြီး အင်ဂျင်ကိုစတင်လည်ပတ်အောင် လုပ်ပေးတာဖြစ်ပါတယ်။ စွမ်းအားကောင်းတဲ့ Direct Current (DC) အမျိုးအစားဖြစ်ပြီး Starter Solenoid ကလည်း ကပ်လျှက်တွဲနေပါတယ်။ ကားတိုင်းလိုလိုမှာ Starter Motor ကို ဂီယာနဲ့တွဲထားလေ့ရှိပါတယ်။
              ကားရဲ့ဘတ္ထရီနဲ့ တိုက်ရိုက်ချိတ်ဆက်ထားတာဖြစ်ပြီး ကားအင်ဂျင်ကိုလည်ပတ်စေနိုင်ဖို့ အားကောင်းတဲ့ လျှပ်စီးစွမ်းအားလိုအပ်ပါတယ်။ ဒါကြောင့် ဘတ္ထရီအားပြည့်ပြီးကောင်းမွန်နေဖို့ အထူးအရေးကြီးပါတယ်။ 
              အားထိန်းနိုင်စွမ်းလျှော့လာတဲ့ ဘတ္ထရီက ကားမီးတွေဖွင့်လျှင်လင်းနိုင်ပေမယ့် ကားအင်ဂျင်ကိုတော့ ကောင်းကောင်း လှည့်ပေးနိုင်လောက်တဲ့လျှပ်စီးအားကို မော်တာဆီမပို့ပေးနိုင်တော့ပါဘူး။
Starter Motor စက်စ နိုးအောင်ဘယ်လိုအလုပ်လုပ်လဲ
              စက်နိုးအောင်သော့ကိုလှည့်လိုက်တာ၊ ခလုတ်ကို နှိပ်လိုက်တာပဲဖြစ်ဖြစ် ဂီယာက P (သိုမဟုတ်) မှာတိုးထားရင် ဘတ္တရီရဲ့လျှပ်စစ်ဗိုအားတွေကို Starter Control circuit ကတဆင့် Starter Solenoid ဆီရောက်အောင်ပိုလွှတ်ပေးပါတယ်။
              
              Starter solenoid က starter motor ဆီကိုထပ်မံပို့လွှတ်ရုံသာမက တပြိုင်တည်းမှာပဲ starter gear ကိုရှေ့သိုတွန်းပြီး အင်ဂျင်ရဲ့ ဖလိုင်းဝှီး (သို့) အော်တိုဂီယာ flexplate နဲ့ ချိတ်ဆက်မိစေပါတယ်။ ဖလိုင်းဝှီးက အင်ဂျင် ကရိုင်းရှပ်နဲ့တဆက်တည်းမို့ starter motor က ဖလိုင်းဝှီးကိုလှည့်ပေးတော့ အင်ဂျင်စလည်ပါတော့တယ်။ 
              
              သော့နဲ့လှည့်ရင် starter motor လည်စေနိုင်ပေမယ့် ခလုပ်နှိပ်တဲ့ PUSH START မှာတော့ အင်ဂျင်စလည်တာနဲ့ starter motor လည်စေတဲ့စနစ်ကို အော်တိုဖြုတ်ချထားလိုက်ပါတယ်။ 
Starter Motor မကောင်းရင်တွေ့နိုင်တဲ့ လက္ခဏာများ
              ကားအင်ဂျင်ကို နှိုးတဲ့အခါ လှုပ်ကိုမလှုပ်တာ ၊ ချက် ခနဲတစ်ချက်သာမော်တာလည်ပြီး မထူးခြားတော့တာ တွေ့တာနဲ့ Starter Motor အလုပ်မလုပ်တော့တာဖြစ်ပါတယ်။ 
              
              ဘတ္ထရီမကောင်းတာဖြစ်နိုင်သလို ၊ မော်တာမကောင်းတာလဲဖြစ်နိုင်ပါတယ်။ Starter Control Terminal က ဘတ္ထရီအားဝင်တဲ့နေရာမှာ အားတိုင်းကြည့်လိုက်လို (12v) အားအပြည့်ပြနေရင်တော့ မော်တာမကောင်းတော့တာသေချာပါပြီ။
              
              စက်နှိုးတဲ့အခါ မော်တာလည်နေပေမယ့်လည်း အင်ဂျင်မနိုး၊ တခါတရံ စက်နှိုးတဲ့အခါ စက်မနိုးတဲ့အပြင် ခြစ်ပြီးလည်တဲ့အသံထွက်လာရင်တော့ Starter Motor ရဲ့ Flex plate (သို့မဟုတ်) Flywheel မှာရှိတဲ့ Ring gear ရဲ့ အသွားစိပ်လေးတွေ ပျက်စီးနေတာဖြစ်နိုင်ပါတယ်။
              
              Starter motor က အင်ဂျင်ကိုလည်စေဖို့ဆိုတာ မြင့်မားတဲ့လျှပ်စီးစွမ်းအား လိုအပ်ပါတယ်။ ဒါကြောင့်မိုလိုပဲ ဘတ္ထရီက အပေါင်း (+) ကြိုးက အလုံးကြီးပြီးတုတ်တာကိုသုံးပြီး Starter Solenoid ဆီ တိုက်ရိုက်လာဆက်တာဖြစ်ပါတယ်။ ဘတ္ထရီရဲ့ အနှုတ် (-) ကြိုးကတော့ Starter motor နားမှာရှိတဲ့ အင်ဂျင်ဘလောက် (သို) ဂီယာဘောက်ဆီလာ ချိတ်ဆက်ထားပါတယ်။ တခါတလေ ဘတ္ထရီအပြောင်းအလဲလုပ်ပြီး ကြိုးတွေပြန်တပ်တဲ့အခါ ချောင်နေရင် Starter motor အလုပ်မလုပ်တာ ဖြစ်တက်ပါတယ်။
              
              Starter Motor ရဲ့ လည်ပတ်တဲ့အသံပြောင်းလဲမှုတွေ၊ ထူးခြားမှုတွေကို  အင်ဂျင်တစ်လုံး မောင်းနှင်ဖို့  စတင်နှိုးတဲ့အချိန်တိုင်းမှာ  သတိပြူမိနေဖို့လည်းလိုအပ်ပြီး  အင်ဂျင်လည်ပတ်ဖို့အတွက် မရှိမဖြစ်လိုအပ်တဲ့ အစိတ်အပိုင်းတစ်ခုဖြစ်တဲ့အကြောင်း တင်ပြလိုက်ရပါတယ်ခင်ဗျာ။              
              
စက်ယန္တရားနဲ့ပါတ်သက်တဲ့  ဗဟုသုတတွေနဲ့ တခြားအကြောင်းအရာမျိုးစုံတွေကို လေ့လာဖတ်ရှဖို့အတွက် အောက်ပါလင့်ကိုနှိပ်ပြီး  ဝင်ရောက်နိုင်ပါတယ်
စက်ယန္တရား‌နဲ့ပါတ်သက်တဲ့ ဘာပဲလိုလို တစ်နေရာထဲနဲ့  ပြီးပြည့်စုံတဲ့
BUDOZAR Online Machinery & Spare Parts Marketplace နဲ့ ဆက်သွယ်လိုက်ပါ
+95(9)962836927  
www.budozar.com 
Categories: Blogs
149

on

‘‘SIMPLE SOLUTION, BIG SAVINGS”

“ကုန်ကျစရိတ်သက်သာပြီး လွယ်ကူရိုးရှင်းတဲ့ နည်းပညာ”

  • အဆင့်မြှင့်ထားသော EC300E Hybrid ကို စတင်မိတ်ဆက်ပေးလိုက်ပါပြီ။

အဆင့်မြင့် Hydraulic စနစ် နှင့် VOLVO  နည်းပညာ ပေါင်းစပ်အသုံးပြုထားလို့ boom down motion နဲ့ Accumulator ကို အားသွင်းနိုင်မှာဖြစ်ပါတယ်။ အင်ဂျင်စနစ်ကို လည်ပတ်စေတဲ့ မော်တာကိုလဲ သိုလှောင်ထားတဲ့ စွမ်းအင်ဖြင့်သာ မောင်းနှင်နိုင်မှာဖြစ်ပါတယ်။ ဒါကြောင့် ပုံမှန် EC300E ကို လည်ပတ်ဖို့လိုအပ်တဲ့ လောင်စာဆီထိရောက်မှုပမာဏကို ၁၇% ထိ လျော့ကျစေနိုင်မှာဖြစ်ပါတယ်။

“FEATURES & BENEFITS”

*ရိုးရှင်းပြီး ယုံကြည်စိတ်ချရတဲ့ တည်ဆောက်မှု

စွမ်းဆောင်ရည်မြင့်မားလွန်းလှတဲ့ EC300E ကို ယုံကြည်စိတ်ချရတဲ့ သေးငယ်သောအစိတ်အပိုင်းတွေနဲ့ ရိုးရိုးရှင်းရှင်း ပေါင်းစပ်တည်ဆောက်ထားလို့ ထိန်းသိမ်းရလွယ်ကူစေပါတယ်။

*သဘာဝပတ်ဝန်းကျင် ထိခိုက်မှုအနည်းဆုံး

EC300E Hybrid က CO2 စွန့်ထုတ်မှု ပမာဏကို ၁၅% အထိ လျှော့ချပေးနိုင်ပါတယ်။ဒါကြောင့် ဆောက်လုပ်ရေးလုပ်ငန်းခွင်တွေမှာ သဘာဝပတ်ဝန်းကျင်ထိခိုက်မှု လျော့နည်းစေမယ့် ရွေးချယ်မှု တစ်ခုပါပဲ။

*အကျိုးအမြတ်အများဆုံး ရွေးချယ်မှု

တူးဖော်ခြင်းနှင့်အသုံးချခြင်းလုပ်ငန်းများ လုပ်ဆောင်တဲ့အခါ EC300E Hybrid က လောင်စာဆီ ခြွေတာနိုင်ခြင်း၊ စွန့်ထုတ်မှု နည်းပါးခြင်း တို့ကြောင့် လုပ်ငန်းခွင်မှာ အကျိုးမြတ်များစေမယ့် ရွေးချယ်မှုတစ်ခုပါပဲ။

*စက်အတွင်းအပြင် လုံခြုံစိတ်ချရမှု

စက်အတွင်းပိုင်းကို အလွယ်တကူစစ်ဆေးနိုင်ခြင်း၊ မြင်ကွင်းပိုမိုရှင်းလင်းခြင်း၊ တုန်ခါနှုန်းလျော့ကျစေခြင်း နှင့် သင့်စိတ်ကြိုက် ချိန်ညှိမှုပြုလုပ်နိုင်ခြင်းတို့ကြောင့် VOLVO  EC300E Hybrid က သက်တောင့်သက်သာရှိပြီး လုံခြုံစိတ်ချရမှုအပြည့်နဲ့ အလုပ်ပြီးမြောက်စေမယ့် ထုတ်ကုန်တစ်ခုပါပဲ။

*ရွေးချယ်စရာစုံလင်တဲ့ အရည်အသွေးမြင့် အပိုပစ္စည်းများ

အသုံးပြုမယ့်လုပ်ငန်းခွင်ပေါ်မူတည်ပြီး တပ်ဆင်နိုင်မယ့် အရည်အသွေးမြင့် VOLVO အပိုပစ္စည်းအမျိုးအစားတွေနဲ့ အတူ သင့်လုပ်ငန်းခွင်မှာ အသင့်တော်ဆုံးဖြစ်မယ့် excavator တစ်ခုကို ရရှိနိုင်စေမှာပါ။ သင့်ရဲ့ Customized လုပ်ထားတဲ့ EC300E Hybrid က လည်ပတ်မှုအရှိန်လဲကောင်း၊ လောင်စာဆီထိရောက်မှုကိုလဲ တိုးတက်စေနိုင်လို့ ယုံကြည်စိတ်ချရတဲ့ စက်တစ်ခု ဖြစ်နေမှာပါ။

*အကြမ်းခံပြီး ရေရှည်အသုံးပြုနိုင်မယ့် နည်းပညာ

အသစ်ထွက်ရှိလာတဲ့ EC300E Hybrid က အကြမ်းခံပြီး ရေရှည်အသုံးပြုနိုင်အောင် တည်ဆောက်ထားပါတယ်။ Auto-regeneration ပြန်ဖြစ်စေမယ့် အင်ဂျင်၊ အရည်အသွေးမြင့်တဲ့ အစိတ်အပိုင်းများ၊ ပြင်ဆင်စရိတ် လျှော့ချပေးနိုင်ခြင်းတို့ကြောင့် ယုံကြည်စိတ်ချရပြီး လုပ်ငန်းခွင်မှာ ရေရှည်အသုံးပြုနိုင်မယ့် စက် တစ်ခုပါပဲ။

Categories: Blogs
177

on

အခုအချိန်ဟာ ပူပြင်းခြောက်သွေ့တဲ့ ရာသီဖြစ်တာကြောင့် စက်ရုံ၊ အလုပ်ရုံတွေမှာ မီးလောင်မှုတွေ မကြာခဏဆိုသလို ဖြစ်ပွားလေ့ ရှိပါတယ်။ ဒီတော့ BUDOZAR ရဲ့ မိတ်ဆွေတို့အတွက် မီးဘေးအန္တရာယ် ကာကွယ်စေနိုင်ဖို့ လိုက်နာလုပ်ဆောင်သင့်တဲ့ အချက်ကလေးတွေကို ဖော်ပြလိုက်ပါတယ်နော်
(၁) ကိုယ့်ရဲ့ လုပ်ငန်းခွင်မှာ မီးဘေးအန္တရာယ်ကို ဖြစ်စေနိုင်တဲ့ အမှိုတ်သရိုက်တွေ ရှိမနေအောင် အမြဲသတိထားပါ။ နေ့စဉ် ပုံမှန် သန့်ရှင်းရေးတွေကို လုပ်ဆောင်ပါ။
(၂) နံရံမှာ ချိတ်ဆွဲထားတဲ့ မီးသတ်ဆေးဘူးတွေ နေရာကို ပိတ်ဆို့ပြီး ကုန်ပစ္စည်းတွေ မထားပါနဲ့။ အမြဲတမ်း အလွယ်တကူ ယူနိုင်တဲ့ နေရာမှာသာ မီးသတ်ဆေးဘူးတွေကို ထားပါ။
(၃) လုပ်ငန်းခွင်အတွင်း ဆေးလိပ်သောက်သုံးခြင်းကို တင်းကြပ်စွာ တားမြစ်ပါ။ ဆေးလိပ်မသောက်ရဆိုင်းဘုတ်တွေကို မြင်သာထင်သာအောင် ရေးသားထားပါ။
(၄) မီးကြိုး၊ ပလက်ခုံစတဲ့ လျှပ်စစ်ပစ္စည်းကိရိယာတွေကို အမြဲတမ်း စစ်ဆေးပါ။ ဓာတ်ကြိုးတွေ ပေါက်ပြဲနေတာ၊ ပလက်ခုံတွေချို့ယွင်းနေတာ စတဲ့ အချက်တွေကလည်း အပူချိန် မြင့်တတ်လာတဲ့အခါ ဝါယာကြိုးတွေကနေ တဆင့် လောင်ကျွမ်းပြီး မီးဘေးအန္တရာယ်ကို ဖြစ်ပွားစေနိုင်ပါတယ်။
(၅) အရေးပေါ်အခြေအနေ ဖြစ်ပွားလာခဲ့မယ်ဆိုရင် ဆက်သွယ်အကြောင်းကြားနိုင်ဖို့အတွက် မီးသတ်စခန်း ဖုန်းနံပါတ်တွေနဲ့ သက်ဆိုင်ရာ ရဲစခန်းတို့ရဲ့ ဖုန်းနံပါတ်တွေကို လုပ်ငန်းခွင်အတွင်းက ဘယ်သူမဆို ဆက်သွယ် အကြောင်းကြားနိုင်အောင် ထားပေးပါ။ ဒါမှသာ အချိန်နဲ့ တပြေးညီ တုန့်ပြန်ဖြေရှင်းနိုင်မှာ ဖြစ်ပါတယ်။

Categories: Blogs
165